سەرەکی / تۆپ ستۆر / حــــــیزب و جـــەمـــاوەر

حــــــیزب و جـــەمـــاوەر

(حزب و جەماوەر)
ھەموومان ئەو ڕاستیە دەزانین كە یەكێتی نیشتیمانی کوردستان وەک ھێزێکی لەبن نەھاتوی جەماوەری،لەناو هەناوی چینی زەحمەتكێش لەدایك بووە و زۆربەشمان لەناو هەناوی ڕەنجدەرانا هەڵقوڵاوین،،بۆیە پیویستە ئەلف و بێی سیاسەتمان بۆ باشتركردن و سوككردنی باری قورسی گوزەرانی هاووڵاتیان بێت.
سیاسەت و حزبایەتی لەناو جەماوەر و بۆ جەماوەر نەبێت وەك مەلەكردن وایە لەناو ھەوادا..
هەمیشە كۆمەڵانی خەڵك سەنگی مەحەكن لە خەباتی جەماوەریدا،ئێستا لەو قۆناغەداین كە پێویستمان بە وەرچەرخانێكی ڕادیكاڵانە هەیە بە دوبارە ئاوێتە بوونمان بە كۆمەڵانی خەڵك و هۆكار بین بۆ چارەسەری كێشە و بارگرانیەكانیان.
جەماوەر ، باڵانس و تەرازوی بەرز و نزمی پێگەی دەسەڵات و کورسیەکانە و نوکە قەڵەم یان پەنجەمۆرێکی جەماوەر ئەو باڵانس و پێگەیە دیاری دەکات ، دەنگی خەڵکە دەتوانێ «بەرز نزم بکات و نزمیش بەرز بکات»، ئەویش بە دەنگی ڕاستەقینەی جەماوەر و لە پرۆسەی ھەڵبژاردنێکی پاک و بێگەرددا کە مانگێکی تر لەم رۆژەدا چاوەرێی دەکەین…
ساڵح عوسمان
١٠-٩-٢٠٢١

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *