سەرەکی / ئەدەب / نووسەر و رۆشنبیر عوسمان رەسوڵ، لە چاوپێکەوتنێکى ماڵپەرى قەندیل (24) دا.

نووسەر و رۆشنبیر عوسمان رەسوڵ، لە چاوپێکەوتنێکى ماڵپەرى قەندیل (24) دا.

عوسمان رەسوڵ، ناسراو بە ( عوسمان سەنگەسەرى) نووسەرێکى بوێرو چالاک، خاوەنى چەند کتێبەکە، لە بوارى جۆراوجۆردا، بە بەردەوامیش وتار و نووسینى هەیە، لە سایت و کۆڤار و رۆژنامەکانز
نووسەر لەم چاوپێکەوتنەدا تیشک دەخاتە سەر زۆر لایەنى ژیان و نووسین و پێشمەرگایەتى و رۆڵى نووسین و خوێندنەوە و گەیاندنى پایەمەکانى لەم رێگایەوە.
سازدانى: رێباز مام شۆرش
پ: ساڵ و شوێنى لە دایکبوون و وردەکارى ژیانت لە منداڵییەوە تا ئێستا؟
عوسمان سەنگەسەرى: عوسمان رەسوڵ ناسراوم بە ( عوسمان سەنگەسەرى) لە ساڵى (1969) لە خێزانێکى نیشتیمان پەروەر و جوتیار لە دایک بووم، خوێندنى شەشى ئامادەیم تەواو کردووە، بەڵام بەهۆى زوڵم و چەوسانەوەى بەعس، لە ساڵى (1981) پەیوەندیم بە ریزەکانى یەکێتیى خوێندکارانەوەنى کوردستانەوە کردووە، لە ساڵى (1982) بەبێ دابران پەیوەندیم بەریزەکانى کۆمەڵەى رەنجدەرانى کوردستانەوە کردووە، لە ساڵى (1986) بووم بە پێشمەرەگە لە تیپى ( 99) بیتوێن، وەکو رێکخەرى کەرت کارى رێکخستنم کردووە، وە لە پاڵ کارەکمدا بەشدارى داستانى بنەوباو، شەرى قەیوان ماوەت، بۆ ماوەى 53 رۆژ و دواتر داستانى رزگارى و شەرەکانى سەرکردایەتى و قەندیل و داستانى تەق تەق، دەیان چالاکیتر لە سنورى قەندیل و خۆشناوەتى.
دواتر چوومە تیپى (43) ئاسۆس و دەزگاى مەڵبەندى پێشمەرگە و دواى بەتالێۆنى نۆى دۆڵەگۆگەو کۆمەڵێک پلەى جۆراوجۆرم بریوە، وەک لێپرسراوى پۆڵ و رێکخەرى کەرت و رابەرى سیاسى تیپ،بۆ ماوە یەک مانگیش لە گەیلانى غربى لە ئێران خولێکى تایبەتى هاوانم بینیوە. لە ساڵى (1990) بۆ ماوەى مانگێگ لە سنورى ئێران لە قاسمەرەش بووم، لە دواى راپەرینیش کە لەشاخ گەراینەوە بەهەمان شێوە کۆمەڵێک پلەى جۆراوجۆرم بریوە، وەک ئەندامى کۆمیتەى هێزى نۆى پشدەر و فەرماندەى فەوجى سەنگەسەرو رابەرى سیاسى لیواو ئەندامى مەڵبەند و کارگێرى مەڵبەندى پێشمەرگە.
پ: کەى دەستت کرد بە نووسین، بۆ چ مەبەستێک؟
عوسمان سەنگەسەرى: لە ساڵى (1991) وە دەستمکردووە بەنووسین، و کۆر و سیمینار، وە هەمیشە بەهۆى نووسین و قسەو گوتارەکانم تووشى گرفت و لێپرسینەوەیان کردووم بەڵام من بۆ گەیشتن بە ئامانج و راستیەکان هەمیشە بەرژەوەندى گشتیم خستۆتە، سەروى هەموو بەرژەوەندییە تایبەتیەکان و بەو هۆیەشەوە بەردەوام غەدرم لێکراوە.
پ: بەرهەمە چاپکراوەکانت چین؟
عوسمان سەنگەسەرى: لە ئێستادا، تەنها (5) بەرهەمى چاپکراوم هەیە ئەمانەن:
سەروەرانى قەندیل ، کە لەچاپخانەى شەهید ئازاد هەورامى لە کەرکوک لە ساڵى 2012 لە سەدو دەلاپەرەیە. وێنەى بەرگ هونەر محمد سۆفى.
پارتیزانى و مەگ و ژیانەوە، لە ساڵى 2013 چاپکراوە، لە چاپخانەى سیما لە سلێمانى کە (73) لاپەرەیەن بەرگیش هونەر محمد سۆفى.
کۆمەڵە وتارێک لە بنارى قەندیلەوە: لە ساڵى 2013 لە سلێملنى لە چاپخانەى سیما چاپکراوە.
ژنانە ناودارەکانى کورد: لە ساڵى 2013 لە سلێمانى لە چاپخانەى سیما و بەشێک لە ژیانى سەرکردە نەمرەکان، لە ساڵى 2014 لە سلێمانى لە چابخانەى سیما کراوەز
لە ساڵى (2000 بۆ 2005) بۆ ماوەى 5 ساڵ لە بەریتانیا ژیاوم.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *